Vika 04/2010
Ferðaþjónustuvefurinn Nordicvisitor.com tók í dag Svarbox þjónustukerfið í notkun og reyndar "allan pakkann" frá Modernus. Í honum felst vefvöktun, vefmæling og Svarboxkerfið.
Innleiðing á Svarboxinu hefur ekki áður gengið jafn fljótt fyrir sig og hjá Nordicvisitor.com (þau sóttu um í fyrradag) og því er Modernus fulviss um að starfsmenn Nordicvisitor verða fljótir að tileinka sér nýju tæknina. Nú geta notendur vefjarins hvar sem er í heiminum komist í beint spjall við sölufulltrúa með einum músarsmelli og án þess að greiða krónu fyrir!
1.2.2010. Stórri uppfærslu á vefviðmóti Svarboxins er nú lokið. Í kjölfarið á vandamálum með, Svarbox þjóninn í síðustu viku, og uppsetningu á Svarboxi Nordic Visitor, þá reyndist nauðsynlegt að keyra út breytingar sem unnið hefur verið að undanfarna mánuði. Eftir smá vandamál með Internet Explorer (þann leiðinda vafra) tókst loksins að leysa málið í morgun - og vonandi endanlega.
Breytingarnar felast aðallega í því að nú er spilað hljóð í vefviðmótinu þegar spyrjandi fær skilaboð frá þjónustufulltrúa (hægt að kveikja og slökkva fyrir hvert Svarbox fyrir sig, einnig getur notandi kveikt og slökkt á því ef viðmótið leyfir það) og að nú er kóðinn einfaldari, meðfærilegri og betri. Villur ættu því að vera enn færri o.þ.l. meiri almenn gleði fyrir notendur beggja vegna samtalsins.
Enn á þó eftir að keyra út einhverjar nýungar, sem forritaðar voru í haust, en þær snúa að sjálfum Svarbox-servernum og service-clientnum og bíða betri tíma.
Vika 04/2010
Eitthvað hefur verið um það að vefir í Samræmdri vefmælingu hafa keypt sér traffík í gegnum þjónustur á borð við Fulltraffic og fleiri. Slíkar þjónustur nota ýmis brögð til að lokka notendur inn á síður viðskiptavina, en mjög mismunandi er eftir aðilum hversu árangursrík og haldgóð slík þjónusta er.
Fulltraffic hefur sérstaklega verið gagnrýnd fyrir að veita óheiðarlega þjónustu (e. service) þar sem notendur sem koma inn í gegnum þá staldra stutt við og gera ekkert annað en að pumpa upp tölur vefjarins sem kaupir þjónustuna - oft grandalaus.
Auglýsendur og fagaðilar þurfa að þekkja þetta og passa sig á því að notendatölur vefja, sem kaupa slíka þjónustu, eru ekki lýsandi fyrir mögulegan markhóp auglýsinganna á vefnum, þar sem í flestum tilfellum er um mjög óvirka notendur að ræða sem jafnvel hafa verið plataðir inn á vefsíðuna.
Skoðið breytingu milli vika og breytingu á innlendu hlutfalli. Vefir sem nýta sér slíka þjónustu sýna oft mikla fjölgun notenda milli vikna, og hlutfall innlendra notenda hrapar þar sem keypt umferð kemur nær undantekningalaust erlendis frá. Við ítrekum fyrir fólki að hægt er að skoða þróun notendafjölda vefjanna í Samræmdri vefmælingu með því að smella á notendatölurnar og sjá graf sem sýnir allt að 52 vikur aftur í tímann.
Tilefni pistilsins er ábending um starfsemi fulltraffic.net, sem Modernus vill vara vefina og kaupendur vefauglýsinga við.
Vika 01/2010
Nú styttist óðum í að nýr bakendi verði tekinn í gagnið fyrir vefmælingar Modernus. Notast verður við gagnagrunn frá Vertica og mun hann gera okkur kleift að geyma grunngögn á þess háttar formi að hægt verður að gera mun flóknari og nákvæmari fyrirspurnir í gögnin en áður.
Fyrst um sinn verður hins vegar enginn sjáanlegur munur á viðmóti notenda þar sem fyrsti hluti verkefnisins snýr eingöngu að því að beina gögnum í hinn nýja grunn. Það er sérstaklega vandasamt að skipta um gagnagrunninn, þar sem mikill munur er á eðli hins nýja grunns og þeirra sem hann tekur við af. Við gerum hins vegar ráð fyrir að skipta algjörlega yfir í Vertica fyrir lok janúar.
Þegar hinn nýi grunnur hefur svo tekið formlega við verður hafist handa við að endurbæta viðmótið þannig að notendur geti nýtt sér hinn nýja grunn með fyrirspurnum sem ekki þekkjast í dag og einnig að notendur geti sett inn sínar eigin breytur eins og söluupphæð, kyn og/eða aldur notenda úr sínum eigin kerfum.
Þessi gögn sem vefstjórar munu geta bætt við og möguleikinn á nákvæmari fyrirspurnum í grunninn munu gera það að verkum að Modernus teljarinn verður algjörlega ómissandi tæki fyrir vefstjóra sem vilja vita nákvæmlega hvað er að gerast á vefnum hjá sér.
Vika 49/2009
Senn líður að því að Modernus tekur í gagnið nýjan og afar fullkominn sérhæfðan gagnagrunn frá Vertica. Grunnurinn er (eins og nafnið "Vertica" bendir til) lóðrétt hannaður og afar hraðvirkur sérhæfður gagnagrunnur til greininga (analytical database). Með Vertica-grunninum opnast alveg nýir möguleikar fyrir vefina sem nota Samræmda vefmælingu Modernus. T.d. verður hægt að gera skyndikannanir hjá notendum vefjarins og spyrða svörin við teljaragögnin. Þá verður t.d. hægt og svara því hvernig konur og karlar, strákar og stelpur nota vefinn, hvenær sólarhringsins, hvaða frétt höfðaði helst til kvenna á aldrinum 35-45 ára o.m.fl. Vefirnir fá 10 breytur í stað tveggja nú, sem þeir geta safnað upplýsingum inn á með aðstoð Modernus.
Nýir vinsældalistar. Nýi grunnurinn gerir Samræmdri vefmælingu Modernus kleift að birta upplýsingar þvert á þátttökuvefina. Þá verður t.d. hægt að birta lista sem sýnir "vinsælustu bloggara landsins", mest lesnu frétt vikunnar, og vinsælustu auglýsingu vikunnar svo dæmi sé tekið. 2010 verður því spennandi vefmæliár.
Modernus á fullu gasi.
Vika 48/2009
Villa kom upp í "summutöflum" í gagnagrunni Modernus á föstudag. Vegna þessa þarf að endurkeyra gögn allra vefja í Samræmdri vefmælingu frá síðustu mánaðamótum til sunnudagsins 22. nóv. Það tekur nokkurn tíma. Viðskiptamenn eru beðnir velvirðingar á töfinni og óþægindum vegna rangra (of lágra) talna sem birtust í morgunskýrslum á sunnudag.
Summutöflur Modernus hafa þann tilgang að flýta aflestri úr gagnagrunninum yfir í notendaviðmótið og "fæða" skýrslukerfið, sem sendir m.a. sendir út morgun- og vikuskýrslur til um 9.600 notenda í kerfinu. Þær geta bilað og slíkt gerðist aðfararnótt laugardagsins. Grunngögn vefjanna eru eftir sem áður rétt í notendaviðmótinu sem sést ef maður skráir sig inn á https://login.modernus.is.
Listi viku númer 47 hefur verið birtur.
Modernus